8日起，《辉煌印记——广州博物馆藏清代中国外销纹章瓷展》喺广州博物馆开展，里面有件瓷盘非常特别，烧上科学家牛顿家族嘅纹章，源于定制。

　　明清两代系中国瓷器艺术嘅辉煌时期，高级定制贸易一啲都唔算少，出口贸易额亦相当高。其中，佛山就系陶瓷生产同出口嘅重镇。而家，无论边度有古瓷展览，好多时都可以揾到一两件佛山石湾嘅精品。不过，呢种盛景随住欧洲各国陶瓷品牌开始建立、输出，优势就变得唔明显了。当代世界名瓷之中亦经常缺少中国出品。

　　系咪话，中国陶瓷生产好唔掂呢？非也！呢种现象同营销好有关系。欧洲人宣传品牌，往往将精品同标准化产品并合宣传。例如2002年进入佛山嘅一家法国集团，历史唔长，始创于1918年，比起佛山陶瓷传统要短得多。但佢哋好注重宣传自己“前身为路易皇室组建，凡尔赛用瓷供应商”，所以好受欢迎。

　　相比之下，中国陶瓷嘅精品同标准化产品都唔弱，例如佛山，一方面，“中国陶瓷艺术大师”就有十几个，年年都出唔少大作。另一方面，鹰牌、东鹏、金舵等品牌出口强劲，但系，精品同标准化产品、文化传奇同品牌都无办法联系起身，以至“中国陶瓷”本来系一块金漆招牌，但睇起上来，好似无外国咁光。呢个现象真系值得深思啊。